رول نمبر سلپ کا اجرا (Issuance of Roll Number Slip)
اس مرحلہ میں امیدواران کی رول نمبر سلپ کی تیاری اور ترسیل مکمل کی جاتی ہے ۔
پراسیس(Process)
طلبہ کی رول نمبر سلپس پر تصاویر جبکہ طالبات کی رول نمبر سلپس پر ان کے دستخط کی نقل پرنٹ کی جاتی ہے ۔
رول نمبر سلپ پر ہر امیدوا رکی ڈیٹ شیٹ اورامتحان سے متعلق ضروری قواعدو ضوابط پرنٹ کئے جاتے ہیں ۔
امیدواران کی رول نمبر سلپس ان کےمتعلقہ اداروں کو بذریعہ کورئیر ارسال کی جاتی ہیں۔
رول نمبر سلپ سے متعلقہ اصول و ضوابط درج ذیل ہیں:
کسی اُمیدوار کی رول نمبر سلپ نہ ملنے کی صورت میں امتحان شروع ہونے سے 48گھنٹے قبل تک شعبۃ الامتحانات کنزالمدارس بورڈ کے دفتر (Office) میں بذریعہ پرنسپل رابطہ کیا جاسکتا ہے بصورتِ دیگر پریشانی کا سامنا کرنا پڑسکتا ہے۔
اگر رول نمبر سلپ پر نام، ولدیت، تاریخِ پیدائش وغیرہ مندرجات منسلک (Attached) سرکاری دستاویزات (Official Document) یا سابقہ درجے کے رزلٹ کارڈ کے مطابق نہ ہوں یا رول نمبر سلپ (Roll No Slip) پر درجہ یا امتحانی سینٹر (Exam Center) غلط درج ہو تو اس کی تصحیح (Correction) بروقت کروا لی جائے تاکہ کسی بھی طرح کی کوئی آزمائش نہ ہو۔
ہر امیدوار اپنی رول نمبر سلپ (Roll No Slip) کی حفاظت کرنے کا پابند ہے۔ رول نمبر سلپ کے بغیر امتحان دینے کی اجازت (Permission) نہیں ہے۔ رول نمبر سلپ گم (Lost) ہونے کی صورت میں اپنے پرنسپل کے ذریعے تحریری درخواست (Written Application) بھیج کر دوبارہ سے رول نمبر سلپ حاصل کی جا سکتی ہے لیکن جب تک شعبۃ الامتحانات کنزالمدارس بورڈ سے دوبارہ رول نمبر سلپ جاری نہ ہو اس وقت تک امتحان میں بیٹھنے کی اجازت نہیں ہے لہٰذا آزمائش (Inconvenience) سے بچنے کے لئے اپنی رول نمبر سلپ کی خوب حفاظت (Safety) کا اہتمام کیجئے اور اس کی ایک فوٹو کاپی کروا کر اپنے پاس محفوظ کر لیجئے۔
جعلی (Fake) رول نمبر سلپ بنانے اور استعمال (Use) کرنے یا کسی دوسرے کی رول نمبر سلپ استعمال کرنے کی صورت میں امیدوار سالانہ و ضمنی امتحان سے نااہل (Ineligible) قرار دیا جائے گا۔
